自從06年電話門事件後，某隊便被打入乙組， 直到4年後既今日，因為佢地前領導既辯護， 拎左D似是而非既証據出黎，我讀咩所以我好明白，抗辯既一方絕對會用最有利自己既方法去打官司，有時手法上可以好高，亦可以好低裝。我所看到既其實佢地就好似用緊陳水扁個召咁，將兩樣既事混為一談，再出去放料，去壯大自己既聲勢…站在另一方既我，無條件亦無力去不齒哩D人，始終我支持既隊係哩次事件上身份有衝突，但我有以下幾點想說
一、唔知個時邊一隊主動認罪去減刑呢？本身係可能降去丙甚至更低組別，有人以認罪既方式去承認自己有問題，到而家又話自己無問題？是甚麼道理？
二、今次審判既時間，對方拎既証據絕對可以糢糊焦點，但細心看看對話內容，或者有心人事可以話你地都有搵裁判，但唔好唔記得，你地既罪唔係搵裁判咁簡單，而係行賄，你可以話我地搵裁判都有問題，但唔可能同你地行賄既事情相提並論。
三、至於個個冠軍，我由始至終都覺得應該無冠軍…哩個冠軍無意義，但不要忘記當年係歐洲足協要求意大利足總比個排名名單…
沒有留言:
發佈留言